خليك إيجابي

موضوع: خليك إيجابي السبت 12 نوفمبر 2011, 4:26 am

خليك إيجابي

<BLOCKQUOTE class="postcontent restore">

بسم الله والحمد لله والصلاة والسلام على سيدنا محمد

خليك إيجابي

خليك إيجابي 11533d1321006284

كلنا بيعدي علينا مواقف كتيرة في حياتنا، ساعة بنقبلها و بنخدها بصدر رحب و ساعة تانيه بنشوفها إنها قلبت موازين حياتنا و خربتها.
طيب ممكن يكون عدي علينا مره موقف وحش كده و حسينا إن حياتنا إتقلبت و إن دنيتنا قسيت علينا و إكتئبنا و توقعنا إن حياتنا هاتخرب و تبوظ أكتر و فعلاَ ده اللي بيحصل.

لكن ممكن بعد فتره نقابل حد من صحابنا و نلاقيه بيمر بنفس الموقف و نتوقع إن يحصله زي ما حصلنا بالضبط…بس ما يحصلش و الموقف يعدي بسلاسه و الدنيا تمشي… تفتكر ليه؟ إشمعنه إنت؟ نحس مثلاَ؟

لأ… إنت مش نحس و لا هو إبن محظوظه… بس الفكره إنه مرّن نفسه يفكر صح و بذكاء شويه… فكر في الموقف بطريقه إيجابيه مش سلبيه.

طيب هوه عرف يعمل كده إزاي..؟!

ريتشارد جي أونيل بيقول في أخر مقالاته:
” البشر نوعين، إما يفكرون بطريقه إيجابيه أو بطريقه سلبيه…قد تعترض و تقول أن هناك من يكونون في الوسط … نعم و لكننا سنجده فى النهايه يميل بطريقه أو بأخري لأحد الإتجاهين إما الإيجابي أو السلبي. و هذا عادة يرجع إلي معتقادتنا التي إكتسبناها منذ الصغر إما من مدرسينا، والدينا أو من خلال تعاملنا مع بالغين أخرين.”

كلنا بنعاني من الأوقات اللي بنفكر فيها بطريقه سلبيه، لأن ده بيأثر علي ردود أفعالنا و بيأثر علي نفسيتنا … فبالتالي بيخلينا نقود أنفسنا نحو الفشل بإدينا و ده مش صح…مش لازم نبقي أعداء لنفسنا بالعكس. أي موقف في حياتنا بيمر علينا ليه منظورين واحد إيجابي و واحد سلبي، فحاول دايماَ تختار المنظور الإيجابي علشان الموقف يعدي بنجاح و تكمل:

خليني أديلك مثال:
* يوم فرحك *
1- ممكن تبصله بطريقه إيجابيه علي أساس إنه هاترتبط بشريك حياتك اللي هيكمل معاك بقية عمرك و هيبقي ليك حياتك المستقلة و هتحس بإستقرار في كل حاجه. لما هتفكر بالطريقة دي و تيجي حتي بعد الجواز و تعدي عليك مشكلة أنت من جواك هتصلحها و هتعديها علشان أنت جواك رسمت في عقلك الباطن صورة حلوه لحياتك مش هتسمح لحاجه إنها تشوها و هيبقا نفسك طويل.

2- لكن لو فكرت يوم فرحك بطريقه سلبيه…(( أنا خلاص هتحبس و عيال و هم و أرف و خناق … هتتكون الصورة دي في عقلك الباطن و مع أقل مشكلة تحصل هاتخرب الدنيا إذا أصلاَ معملتش أنت مشكلة بإيدك علشان تخرب الدنيا (و ده بيبقي عقلك الباطن اللي بيحركك )).

فا دايماَ خلينا ننظر لأي موقف يحصلنا في حياتنا بمنظور إيجابي لا سلبي علشان مفيش حاجة في الدنيا إسمها موقف وحش بوظ حياتي ..! إحنا اللي بنتحكم في حياتنا لكن إننا نعلق فشلنا علي شمعات زاي دي … دا دليل علي ضعفنا و قله حيلتنا و تفكيرنا السلبي…كما قال أونيل.

*********************
إخواني وأخواتي الأعزاء
أتمنى أن يكون الكلام دخل قلوبكم
[size=21]وسامحوني لأنني نقلت الموضوع كما هو
وباللغة العامية ؛ رغم معارضتي للكتابة بها
وحرصي الدؤوب على العربية الفصحى
إلا أنها أمانة النقل ..
فخليكم إيجابيين
ولكن ..أنصحكم بعدم الإفراط في التفاؤل
فله آثاره السلبية ؛
[/size]

[size=21]مع تمنياتي لكم بحياة سعيدة

[/size]

</BLOCKQUOTE>

موضوع: رد: خليك إيجابي السبت 12 نوفمبر 2011, 5:16 am

و صلى الله و سلم و بارك على سيدنا ونبينا محمد
و على آله و صحبه أجمعين

موضوع: رد: خليك إيجابي السبت 12 نوفمبر 2011, 6:27 am

الله عليكى جميييييييييييييلة المدونة جدااااااااااا
وفعلا التفاؤل وجودة ضرورى لتخطى أى عقبة فى حياتنا
يارب يسعد حياتك
خليك إيجابي 3505355829

اللهم انصر دينك وكتابك، وسنة نبيك، وعبادك المؤمنين
اللهم من أرادنا وأراد ديننا بسوء فأشغله بنفسه يا رب العالمين
وردَّ كيده إلى نحره، واجعل تدبيره تدميراً عليه، يا سميع الدعاء
اللهم وفق جميع المسلمين والمسلمات، والمؤمنين والمؤمنات
اللهم وفق الأحياء واغفر للأموات إنك سميعٌ قريبٌ مجيبٌ للدعوات
جزاكم الله خيرا واصلح بالكم

بسم الله الرحمن الرحيم
السلام عليكم ورحمة الله وبركاته
جزاك الله خيرا و بارك الله فيك اختي
و جعله في ميزان حسناتك
و تقبلي مروري المتواضع