يا ورقة بيضا ف قلب الحفيده
ضمي الحفيده وأهلها
وخلّي تاريخ أغلى العواصم
يحكي لها
مين ف زمانه حبّها؟
ومين عزّها و بنى مجدها؟
ومين ف زمانه ذلّها؟
وبظلمه باعها و هدّها؟
ـــــــــــــــ
ويا جدّها...ارسم لها
دايرة فوق... بلون الشروق
دي شمسها
ونيل أصيل ... طعمه غدير ...بيحبها
وقلوب كتير ...بتودّها
عايشين بخير ..رغم القليل... دول شعبها
ــــــــــــــــــــ
وخليها تسمع نبض القلوب
ده النبض ذاته في قلبها
لعاشق صقلّي عشق اسمها
ومن جوه قلبه حبّها
ولو الاسامي كلها ...تنسى الاسامي كلها
ما عمره ينسى اسمها
ـــــــــــــــــ
اكتب لها بقلبك يعم
اكتب لها بقلبك يخال
هيشهد بعشقه باني الهرم
يجاوب عليها بميت سؤال؟؟!!!
،،،مين اللي شايف حسنها
مخطوف سنين من حسنها؟
ومين اللي سايب عزّها
يصبح ذليل من عزّها؟
ومين اللي خلى عدلها
مظلوم بأمــــــــــر من عدلها؟
ومين اللي خلى ام البلاد بين البلاد ...حالها ده حال ؟؟
ــــــــــــــــــ
أم العواصم بكرا تثور
و بقلب مصري بين الحضور
ينشد نشيد أغلى الطيور
يزرع بلدنا بشيء م الزهور
شيء م الكرامة ...شيء م العبور
ويهتف بقوة" بحبّك يمصر"
يهتف بقوة "بحبّك يمصر"
يهتف بقوه من غير فتور
ومن كتر حبه يلالي بنوره عتم القبور
ــــــــــــــــ
احلف لها بحبّك يعم
احلف لها بحبّك يخال
احلف لها وياّ النغم
قد المروج... وخشوع الجبال
مصر الحبيبة
قلب العروبة...وعلى خدّها شامة وخال
وعمره ما يخطف حبها لون أي ظلم
وحده هيسكن قلبها "قلب العيال"
وبكرا يكونوا و يكبروا
وهيغيروا ...حالنا و حال "القاهرة"
يا أغلى حفيده بأغلى حال
الثلاثاء 01 أكتوبر 2013, 6:55 pm من طرف 
عدد المساهمات
موضوع: ياورقه بيضا فى قلب الحفيده 
